Nordoske Frizianura

Le Nordoske Frizijanura si jekh anda e shtar oficijalno prindzarde nacionalno minoritetura ( si vi akharde (etnichno minoritetura) ando Nijamco thaj trajn maj but pasha le Nordoski Marea anda Schleswig-Holstein ando region katar e Nordoski Frizija thaj pe insula Helgoland. O artikolo 5 anda konstitucija definil le Frizijanon sar jekh protektime etno-kulturalno grupa, saveaki chib thaj kultura si buhlearde le themestar. E chib katar e Nordoske Frizijanura ( jekh felo katar e Frizijansko) si jekh vashno identifikacijako faktoro anda kadi grupa thaj inke si dini duma katar karing 10.000 manusha ages.

Nijamcura (Danemarko)

Karing 15-20.000 manusha ando Danemarko si o etnichno minoriteti le nijamcongo, save akharen pes Nordoske Schleswigianura. Kadi grupa avilas avri sar nacionalno minoriteto pala o referendum so sas ando 1920to bersh, kade sar trajsarde ande nordoski rig katar o Schleswig, savi das pes parpale ko Danemarko. Von si Danemarkake themutne, ale von definin pes sar etnichno nijamcura thaj si vi kade prindzarde. Ages, o minoriteto si les peske hurdelina ande nijamcisko chib, shkoli, biblioteki thaj klubura thaj vi o nevimatengo lil "Der Nordschleswiger".

Danemarkake manusha (Nijamco)

E Danemarkako minoriteti anda Schleswig-Holstein si karing 50.000 manusha save trajn ando maj norduno regiono le Nijamcosko de agesara, jekh regiono savo sas le Danemarkako dzi ko maripe mashkar e Prusia thaj o Danemarko ando 1864to bersh. Ando 1920to bersh kerdas pes jekh referendum ando Schleswig, kana o Schleswig sas sherutno katar e nijamcura thaj sas phagerde pe kotora, e Danimarkura anda o sudo katar o Schleswig aresle te aven kotor anda e populacija/ manusha le Nijamcoske. Ages, e danimarkura anda sud Silesija/Schlesisch si jekh oficijalno prindzardo minoriteto ando Nijamco, len suporto/dzutori katar o Danemarko, si len penge shkoli, hurdelina thaj klubura, thaj vi jekh nevimatengo lil Flensborg Avis, thaj aktivno participacija si len ande le themesko politichno trajo.

Anda maj but informacija, dikhen kathe: Sydslesvigsk Forening

Sinti thaj Roma

E Sintura thaj e Roma saven si nijamcisko nacionaliteto ando Schleswig-Holstein si jekh minoriteto saves sas les pesko kher kathe de but vrama. Von sas anglunes ramome ande dokumentura ando Lübeck ando 1417to bersh. Phen ke karing 5.000 Sinti thaj Roma trajn ando Schleswig-Holstein ages. Ando 14to Novembro 2012to bersh, o Schleswig-Holstein areslas te avel o angluno federalno them savo ramosardas andre ande peski themeski konstitucija le Sinton thaj le Romen sar jekh minoriteto. E Romani chib si jekh anda le minoritatenge chiba saven si protekcija tela e Europaki Karta anda e Regionalno vaj Minoritatenge Chiba.

Konektime perdal granice

O Minoritatengo Kompetencengo Networko anda Schleswig-Holstein/Sud Danemarka (MKN) sas aktivno sar jekh networko katar e nacionalno thaj regionalno minoritetura ande Nijamcisko-Danemarkaki granica, de kana astardas te avel ando 2020to bersh. O fokuso amare bukijako si te zurearas o hakijaripe katar e minoritatenge tematura, te vazdas e chib thaj e kultura thaj te paruvas informacija thaj eksperijenca ande intrego Europa perdal pashutni kooperacija.

Khetano dijalogo

Sar jekh katar amare aktivitetura, amen organizujs anda e interesime riga anda Nijamco thaj Danemarka thaj vi aver Europake thema, kaj shaj te sikavas e eksperijenci anda e relacija mashkar minoritetura thaj majoritetura ando Schleswig-Holstein thaj Sud Danemarka sar pozitivno eksamplura. Amaro cilo si te keras te aven dikhle savorendar le kompetence le minoritatenge anda e kooperacija ande Nijamcisko-Danimarkaki granicaki rig. Kothe si kaj o Minoritatengo Kompetencengo Networko avel andre: So shaj te arakhen avri peske thaj soski eksperijenci shaj te aven le, le membron katar le Europake minoritetura vaj membrura anda majoritateaki societeta ande le regionura katar e Nijamcisko-Danimarkaki granicaki rig? Amenge, amare networkoske partenerura pe vi le duj riga le granicaki si vashno kana si te das parpale pe kado puchipe. O regiono le granicako mashkar Nijamco-Danemarka si karakterizime katar diversiteto thaj khetanipe. Sakojekh shaj thaj si slobodo te trajl peski chib thaj kultura. Sakojekhes si les o chachimo te kerel kodo.

Do you want to load external content provided by YouTube?

Ande amaro harno filmo "De tut gindo perdal granice", sikavas tuke amare shtar nacionalno minoritetura ando regiono la granicako mashkar Nijamco-Danemarka: E Nijamcisko Sintura thaj Roma, e Nordoske Frizijanura, e Nijamcisko minoriteta ando Norduno Schleswig thaj e Danemarkaki minoriteta ando Sudosko Schleswig. O cilo le filmosko si te sikavas soske si o indentiteto thaj e kultura le minoritatengi ando regiono amare granicako, sar e minoritetura thaj o majoriteto trajn khetanes thaj sar si o trajo svakone gesesko katar e minoritetura.

Komentarura pa projekto

"Amen shaj te siklijovas katar e minoritetura anda o regiono la granicako Nijamco-Danemarka sar te dzas maj dur katar o konflikto karing mutualno kulturalno barvalearipe."

"Amen kamas te bichalas perdal e pozitivno eksperijencii le manushenge anda le granicako regiono, karing le manusha ande aver Europake granicake regionura."

"Le networkoske projektura trebulas te aven ando Schleswig-Holstein vaj ando regiono katar e Sudoski Danemarka, kade zurearindos e regionoski minoritateaki politikani rola ko Europako nivelo."

"Kadale alijancasa katar e minoritatenge asosijacije, si amen o cilo te das dumo inke maj zurales ke amari ekspertiza pa minoritatengi politika, sar jekh eksamplo katar e maj lashe praktike ande Europa - perdal projektura, seminarura thaj mesuri te resen pes thaj te paruven informacije."

Minoritatengo Kompetencengo Networko Amare cilura

Minoritatengo Kompetencengo Networko